O problema dos nenos hiperagasallados volve coa noite de Reis

Algunhas familias cumpren todos os desexos das cartas ás Súas Maxestades pensando erradamente que as nenas e nenos precisan moitos agasallos para ser felices.

A psicóloga sanitaria, Victoria Canosa, advirte dos problemas derivados dos nenos hiperagasallados.

"A felicidade non está no número de regalos que teñamos na casa. Con tanto agasallo que lles facemos, fanse nenos máis caprichosos, que non consinten que se lles neguen o que piden"

"Cando se afan a que todo o que piden poden telo de boas a primeiras realmente non os estamos axudando a tolerar a frustración e a que maduren de forma óptima, para saber que non todo lles vai saír sempre como queren á primeira e que é parte da vida" 

Os psicólogos recomendan a regra das tres cousas: algo que desexe de verdade, algo que necesite e algo educativo. Ademáis de tempo e atención, para que aprendan a valorar que o material non é o máis importante.