O 'sakura galego' adiántase este ano no pazo do Faramello
O 'sakura galego' adiántase este ano no pazo do Faramello
O 'sakura' é unha tradición milenaria do Xapón que fai referencia ao momento de floración das ameixeiras
O pazo do Faramello conta con varios exemplares de ameixeiras xaponesas plantadas aquí no século XIX
No século XIX hai unha pequena competición entre os pazos históricos por ver quen traía as cousas máis exóticas. Ao pazo do Faramello chegaron ameixeiras xaponesas e déronse conta de que, polo clima que ten a zona de Rois e porque o pazo está á beira do río, todo o que viña do Xapón se daba moi ben.
Esta é a razón de atopar un pequeno 'sakura' en chan empedrado típico do país e no xardín do pazo do Faramello, no corazón da comarca do Sar.
Xa hai tempo que visitantes, medios de comunicación e turistas non queren perder o espectáculo que ofrece a floración das ameixeiras. No Xapón este momento coñécese como 'sakura'. No pazo do Faramello é coñecido xa como o 'sakura galego', que este ano chegou máis adiantado do previsto.
O xardín do Faramello coas cereixeiras en flor é un espectáculo que todo o mundo quere, agora máis ca nunca, presenciar. De feito, visitar o Faramello coincidindo coa floración das ameixeiras xa se converteu en tradición. Non tan milenaria como no país do sol nacente pero igual de atractiva.
