O sector da industria do mar busca solucións tras a suspensión da lei galega do litoral

Nova reunión do Goberno galego coa cadea mar industria, preocupada pola situación nas empresas do sector, moitas delas pendentes da renovación das concesións ou de novas inversións e proxectos que a suspensión da lei deixa paralizados. 

Urxen coñecer o documento aprobado polo Goberno central en que se pon en dúbida a constitucionalidade dunha trintena de artigos da lei galega do litoral. 

Buscan solucións para saír da inseguridade xurídica en que queda o sector. A Xunta de Galicia pide que se corrixa a decisión. 

O sector factura nove mil millóns de euros anuais e emprega a máis de corenta mil persoas en Galicia.