Os vándalos atacan o cemiterio de Bóveda

Este mes descubriuse un acto de vandalismo no cemiterio do concello de Bóveda, onde alguén estragou unha sepultura e tirou un contedor de lixo por enriba do valado que pecha o camposanto. A Garda Civil está investigando os feitos.

Un acto que non pode ser cualificado como unha falcatruada pola falta de empatía dos autores dos feitos, que estragaron a lápida da tumba na que están os restos dun médico, un home ao que os seus veciños lle puxeran unha placa de agradecemento.