Os barcos da ameixa da ría de Vigo paran porque "non compensa saír ao mar"

A imaxe que presentaba hoxe o porto de Baiona era a do preto dun cento de barcos que van á ameixa que decidiron parar. O motivo é o baixo prezo do molusco en lonxa. Achacan o problema en parte a unha oferta elevada, debido ao levantamento da veda en Portugal. 

Ante esta situación, prefiren que a ameixa quede no mar. Co duro traballo que supón e os gastos que implica non lles compensa saír pescar. Para eles a solución é establecer un prezo mínimo e non estar tan suxeitos á oferta e á demanda.  

As confrarías da ría de Vigo uniron forzas e mentres non se arranxe o problema, os barcos seguirán amarrados a porto.