Pesar en Chantada polo falecemento en accidente de dous rapaces de 18 anos
Pesar en Chantada polo falecemento en accidente de dous rapaces de 18 anos
Bandeiras a media hasta e actividades suspendidas durante dous días en sinal de pésame
Consternación na vila e no club deportivo en que xogaban os dous mozos
A vila de Chantada lamenta a perda de Álex e Abel, dous rapaces de 18 anos, moi populares e que deixan sentimentos de consternación en todo a vila, onde eran moi apreciados.
Ambos os dous xogaban no equipo xuvenil da Sociedade Deportiva Chantada. De feito, viñan de disputar un torneo de fútbol sala en Taboada, cando a fatalidade, en forma de xabaril, se cruzou no seu camiño. Emocionados, membros do club lembran os mozos, aos que coñecían desde cativos.
Algúns establecementos pecharon para amosar o seu pésame. Tamén nos edificios oficiais as bandeiras estaban a media hasta. A corporación decretou dous días de loito. Máis adiante contan con renderlles unha homenaxe.
