Polo menos seis feridos no envorco dun autobús do Imserso en Murcia
O accidente cortou ao tráfico os dous carrís de circulación e provoca a esta hora importantes retencións de tráfico
O condutor perdeu o control do vehículo e envorcou sobre a calzada nunha xornada chuviosa e con aviso amarelo
Lugar do sinistro / (Fonte: DGT)
Polo menos seis persoas resultaron feridas este martes no envorco dun autobús con viaxeiros do Imserso na autovía A-7 en sentido Alacante, á altura da saída de Cabezo de Torres, en Murcia, segundo o primeiro balance do Centro de Coordinación de Emerxencias.
O accidente, que cortou ao tráfico os dous carrís de circulación e provocou importantes retencións, tivo lugar minutos antes das doce da mañá cando o condutor perdeu o control do vehículo e envorcou sobre a calzada nunha xornada chuviosa e en aviso amarelo na capital da Rexión de Murcia.
Numerosas chamadas, mesmo procedentes do propio interior do autobús, alertaron o teléfono único de emerxencias 112 do accidente, que despregou un importante dispositivo con varias ambulancias, efectivos do parque de bombeiros e axentes da Garda Civil e da Policía Local de Murcia.
Un balance provisional apunta a seis feridos de diversa consideración.
Trátase dun autobús que saíu da Comunidade Valenciana con destino a Roquetas de Mar, en Almería, nunha viaxe programada para pensionistas.
