Prisión sen fianza para o detido por atacar un mozo no Entroido de verán de Redondela
Prisión sen fianza para o detido por atacar un mozo no Entroido de verán de Redondela
Acordou tamén unha medida de prohibición de aproximación á vítima, para o caso de que se acorde nalgún momento a posta en liberdade
O Xulgado de Instrución número 2 de Redondela acordou o ingreso en prisión provisional comunicada e sen fianza para o home detido a pasada fin de semana en Redondela tras agredir un mozo cunha arma branca.
Segundo informaron fontes xudiciais, a maxistrada investiga o home como presunto autor dun delito de homicidio en grao de tentativa.
Ademais, acordou tamén unha medida de prohibición de aproximación e comunicación respecto á vítima, para o caso de que se acorde nalgún momento a posta en liberdade do investigado.
Os feitos ocorreron na madrugada do pasado domingo, durante as celebracións do Entroido de Verán en Redondela.
O sospeitoso supostamente atacou cunha arma branca un mozo, e foi pouco despois detido por axentes de Policía Nacional da Comisaría de Vigo-Redondela.
O ferido foi trasladado en ambulancia a un centro hospitalario.
