Recuperan pombais en Allariz para a cría de pichóns de uso gastronómico
Recuperan pombais en Allariz para a cría de pichóns de uso gastronómico
No municipio ourensán quedan en pé trece destas antigas construcións
A carne dos pombiños xa se pode degustar e queren ampliar produción
De tamaño similar á codorniz pero cun sabor e textura moi diferentes e moi diferenciados.
Así é a carne de pichón, a cría do pombo de menos de tres semanas de vida, que se serve agora en restaurantes de Allariz e que hai décadas era parte da gastronomía galega.
Unha empresa de Allariz está a promover a recuperación da cría dos pichóns mediante os pombais. Unha práctica de séculos pero que levaba moito tempo abandonada en Galicia.
É unha actividade gandeira máis pero precisa da rehabilitación ou nova construción destas particulares estruturas.
En Allariz hai ata 13 pombais en pé con formas e tamaños moi diferentes. Agárdase que boa parte deles se poidan rehabilitar e dedicar á cría do pichón para que sexan de utilidade.
As pombas son as únicas aves que, pola súa conduta poden ser criadas neste tipo de construcións.
