Renuncian á campaña da vieira en Bueu, que se centra no polbo

Os rastros da vieira de Bueu seguiranse empregando como ata agora para apañar améndoa de mar, unha especie de ameixa para caldos de peixe. A volta da explotación da vieira deberá agardar porque os números non dan.

Ademais a vieira require dunha boa depuración e dun eviscerado específico, algo que encarece todo o proceso.

Ata os anos 80 a vieira era un dos produtos estrela da confraría de Bueu. A descuberta da toxina amnésica obrigou a reducir a súa captura na ría de Pontevedra. Desde aquela son moitos os que botan de menos aqueles tempos.

Algúns barcos de Bueu xa non teñen raño ou non lles compensa poñelo para tan poucos días.