Rescatan vivos a tres tripulantes dun pesqueiro afundido na ría de Muros-Noia
Rescatan vivos a tres tripulantes dun pesqueiro afundido na ría de Muros-Noia
Os tres mariñeiros refuxiáronse nunha balsa ata que foron recollidos por outro pesqueiro
Os tres tripulantes dun pesqueiro que se afundiu este mércores á mañá na ría de Muros e Noia puideron ser rescatados sans e salvos, segundo informan os servizos de emerxencias.
En concreto, tal e como recolle o CIAE 112-Galicia, foi o Servizo de Gardacostas de Galicia o que deu a voz de alarma sobre o naufraxio pasadas as 8:00 horas deste mércores. Na súa chamada, informaba de que se mobilizou o helicóptero de rescate Pesca I.
Nuestro Centro en Finisterre recibió a las 7.40h la llamada/VHF Canal 16 de una embarcación con vía de agua. Movilizó medios en zona, al Pesca I @GardacostasGal y S/Régulus. Los 3 tripulantes del pesquero fueron rescatados en buen estado y trasladados a Porto do Son #PescaSegura pic.twitter.com/M7NZ15Ss40
— SALVAMENTO MARÍTIMO (@salvamentogob) March 15, 2023
Os tres mariñeiros refuxiáronse nunha balsa ata que foron recollidos por outro pesqueiro, que os trasladou a unha embarcación mobilizada por Salvamento Marítimo. Posteriormente, a tripulación foi levada ao peirao de Porto do Son.
No operativo participaron tamén efectivos de Garda Civil, GES de Muros, Policía Local e Voluntarios de Protección Civil.
