Rouban 360 metros de cable de cobre en tres zonas de Ponteceso

O cobre é un dos metais máis usados e cotizados no mercado negro, e isto sábeno ben os delincuentes. Nos últimos días roubaron nas parroquias de Pazos, Corme e no lugar de Limiñoa, todas eles en Ponteceso, un total de 360 metros de cable de cobre.

Son roubos que suceden principalmente nas redes eléctricas, como aconteceu nunha pista que une o colexio e o cemiterio das Forcadas, en Corme. Os veciños que camiñan por aí sofren agora as consecuencias porque nese treito quedaron sen luz.

Para evitar novos episodios deste tipo, desde o Concello pídenlles aos veciños que estean atentos por se ven algún vehículo sospeitoso. Agora a Garda Civil investiga xa todos estes feitos para poder dar co paradoiro dos ladróns.