Sito Miñanco obtén o terceiro grao, á espera de ser xulgado pola operación Mito

José Ramón Prado Bugallo, máis coñecido como Sito Miñanco, atópase no Centro de Inserción Social (CIS) de Segovia.

Desta forma, pola semana sae traballar, de luns a venres, pero ten que durmir no centro. Ademais, as fins de semana pode saír desde o venres á tarde ata o domingo pola tarde. Esta decisión foi acordada polo xuíz de vixilancia penal. 

Miñanco encara os últimos días antes de volver sentar no banco dos acusados da Audiencia Nacional (AN), como xa fixo en dúas ocasións anteriores, e está á espera de ser xulgado pola súa derradeira causa aberta, a operación Mito.

Así, o próximo 18 de novembro comezará o xuízo contra Miñanco; o avogado do expresidente catalán Carles Puigdemont, Gonzalo Boye -por un presunto delito de branqueo de capitais- e a outras 46 persoas físicas e cinco xurídicas pola súa presunta implicación.

A vista oral estenderase ata o 30 de xaneiro de 2025 e, previsiblemente, celebraranse ata 20 sesións. Terá lugar na sede da Audiencia Nacional de San Fernando de Henares.

Todos os acusados gardan unha suposta relación coa Mito, centrada na rede que supostamente dirixía Miñanco e que tentou introducir, sen éxito, en España máis de 4.000 quilos de cocaína en dous operativos diferentes que foron truncados polos investigadores que lle seguían a pista desde 2016.

Esa organización, segundo a xuíz, dedicábase principalmente á importación e distribución de substancias estupefacientes (especialmente cocaína) e ao branqueo de capitais. Así, mentres algúns membros da rede encargábanse exclusivamente de facilitar o diñeiro en B, un terceiro utilizaba falsos créditos entre familiares para xustificar a entrega dese diñeiro nas súas contas, mentres que outro integrante utilizaba a súa empresa de seguridade para emitir facturas falsas.