Susto no barrio das Flores da Coruña tras caer dúas pólas dun piñeiro desde oito metros de altura

No barrio das Flores non falan doutra cousa. Todos comentan a caída de dúas pólas dun piñeiro desde uns oito metros de altura.

Nesta ocasión, as ramas caeron sobre dúas furgonetas de traballo e causáronlles danos aínda por cuantificar.

Os veciños explican que o que aconteceu era cuestión de tempo e din que xa levaban unha morea de tempo denunciando a situación e pedindo que foran podar malia que, polo momento, facíanlles caso omiso.

Agora agardan que si tomen o problema en serio e fagan axiña os traballos de mantemento necesarios para evitar danos maiores.