Últimas prazas nos hoteis de Lugo para un Arde Lucus que gaña peso turístico internacional
Últimas prazas nos hoteis de Lugo para un Arde Lucus que gaña peso turístico internacional
A ocupación media supera o 70 %, pero algúns hoteis do centro están xa completos
Nos campamentos ultiman xa preparativos para esta festa romana e castrexa
O teléfono non deixa de soar nos hoteis de Lugo. Do 22 ao 25 de xuño celébrase o Arde Lucus, a festa de recreación histórica en que romanos e castrexos toman as rúas dunha cidade ateigada de turistas. A ocupación media supera xa o 70 por cento e agárdase un cheo total o sábado 24.
Este ano o Arde Lucus estréase como Festa de Interese Turístico Internacional. De feito os visitantes estranxeiros teñen cada vez maior peso nas reservas dos hoteis.
E mentres os hoteis acumulan reservas comezou xa a posta a punto dos campamentos. Así pois conta atrás xa para unha festa que cumpre 22 anos e que un ano máis recreará con numerosas actividades na rúa o pasado romano e castrexo da cidade de Lugo.
