Falece unha muller nun accidente de tráfico na Capela
Falece unha muller nun accidente de tráfico na Capela
A vítima é a condutora e única ocupante do vehículo
Unha muller faleceu este martes nun accidente de tráfico ocorrido na estrada AC-564 entre Fene e As Pontes á altura do concello da Capela, no límite municipal con Cabanas. Trátase da única ocupante dun vehículo que perdeu o control, botouse fóra da estrada e acabou envorcando.
O sinistro produciuse contra ás dez da mañá, á altura do quilómetro oito desta vía provincial, na zona de Soaserra. A vítima é unha muller, de 58 anos, veciña da Capela.
🔴 #AXEGAInforma dun accidente mortal na estrada que une Fene e As Pontes (#AC564), en #Cabanas.
— 112Galicia (@112Galicia) February 8, 2022
Os #BombeirosEume e o #GESMugardos interviñeron para excarcerar á vítima. Ademais dos medios sanitarios, acudiron #PolicíaLocal e @guardiacivil de Tráfico. pic.twitter.com/nOaZ9RsR3H
Segundo informa o servizo de emerxencias 112, os bombeiros do Eume e o GES de Mugardos tiveron que actuar para rescatar á vítima do interior do vehículo no que quedara atrapada.
