Un menor acoitela dous mozos en Verín por un suposto axuste de contas

Un altercado ocorrido esta tarde en Verín acabou cun menor acoitelando outros dous mozos.

O suposto agresor ten 17 anos. Os dous feridos tiveron que ser trasladados ao hospital da vila.

Os feitos ocorreron na rúa Amaro Refojo arredor das cinco da tarde.

Ao parecer, a liorta debeuse a un asunto de drogas. 

Foi un particular o que alertou os servizos de emerxencia.

Ata a zona acudiron unha ambulancia e efectivos da Policía  e da Garda Civil.