Un novo detido pola liorta nas inmediacións do parque de Santa Margarita

Un novo detido pola pelexa da semana pasada nas inmediacións do parque de Santa Margarita da Coruña. Nesa lea multitudinaria, en que participaron unha quincena de mozos, quedaran feridos dous axentes da Policía Nacional que interviñeron para frear a liorta. O arrestado está en liberdade, á espera de xuízo. É a segunda detención por estes feitos e non se descartan máis nas próximas horas.