Un poste apoiado sobre o tendido eléctrico ameaza a seguridade dos veciños da Mourisca, en Gondomar
Un poste apoiado sobre o tendido eléctrico ameaza a seguridade dos veciños da Mourisca, en Gondomar
Teñen medo de que poida caer na estrada e danar a alguén
Tras avaliar a situación, a empresa confirma que a previsión é cambialo esta semana
O mal estado e a podremia do poste de telefonía situado nunha parcela privada no barrio da Mourisca, na parroquia de Chaín, en Gondomar, xa fora posto en coñecemento da compañía por parte dos propietarios da leira hai meses. O temporal da semana pasada rematou por quebralo.
Trátase dunha zona moi transitada polo que os veciños teñen medo a que lles poida caer enriba. Preocúpalles que poidan romper os cables en que quedou apoiado e quedar sen subministración eléctrica.
Esta mesma mañá operarios da compañía achegáronse á zona e tras avaliar a situación a empresa confirmou á TVG que a previsión é cambiar o poste esta semana.
