Un veciño de Dumbría, investigado como presunto autor de maltrato animal

A PAPRONA (Patrulla de Servizo de Protección da Natureza) leva a cabo unha investigación que ten como suxeito un veciño da localidade coruñesa de Dumbría, como presunto autor de maltrato a un burro.

O seu dono non lle propiciou os coidados básicos nin a atención veterinaria que necesitaba.

O animal maltratado foi descuberto por unha peregrina que facía o Camiño de Santiago. Alertada polo estado crítico do burro, pediu axuda a unha veciña. Esta intentou localizar o dono, pero non tivo éxito, polo que contactou cos servizos veterinarios e incluso se ofreceu a pagar os gastos.

Lamentablemente, o burro faleceu antes de que chegase o veterinario.