Unha mancha de combustible de máis de cinco quilómetros afectou dúas estradas de Pontevedra
Unha mancha de combustible de máis de cinco quilómetros afectou dúas estradas de Pontevedra
A vertedura apareceu nun treito das estradas EP-0018 e da PO-223 en Pontevedra e alcanzou a estrada que une O Gatomorto e Os Milagres de Amil
Voluntarios de Protección Civil limparon para recuperar a seguridade
Voluntarios de Protección Civil de Pontevedra limpan a mancha
Os servizos de emerxencias tiveron que traballar a primeira hora deste domingo na limpeza dunha mancha de combustible que se estendeu por máis de cinco quilómetros dun treito das estradas EP-0018 e da PO-223, no concello de Pontevedra.
Ademais, a vertedura alcanzou tamén a estrada que une O Gatomorto e Os Milagres de Amil. O 112 Galicia informou de que recibiu o aviso por medio dun particular que detectou a mancha sobre as 08:30 horas, e de que procedía da zona de Monte Porreiro e alcanzaba O Pontillón.
O Centro Integrado de Atención ás Emerxencias de Galicia solicitou a colaboración dos axentes da Garda Civil de Tráfico e da Policía Local. Tamén foron avisados os voluntarios de Protección Civil e o persoal de limpeza e mantemento da Deputación de Pontevedra.
Con todo, e como explica o 112, foi dabondo cos traballos dos voluntarios para tratar de devolver as medidas de seguridade á vía.
#AXEGAInforma dunha mancha de combustible en distintos puntos de #Pontevedra: de Monteporreiro ao Pontillón e do Gato Morto a Milagres de Amil.
— 112Galicia (@112Galicia) June 18, 2023
Voluntarios de Protección Civil limparon para recuperar a seguridade.
Actúan tamén @guardiacivil de Tráfico, Policía Local e @depo_es pic.twitter.com/wvEApOOf30
