Unha muller, detida polo atentado contra un blogueiro ruso

Detida en Rusia unha muller acusada do atentado en San Petersburgo contra un coñecido blogueiro prorrruso.  A moza chámase Daria Trepova e 28 anos. Rusia asegura que ela lle entregou a Vladlen Tatarsky unha pequena figura con explosivos na cafetería onde se produciu a explosión que acabou coa vida do blogueiro.

O Ministerio do Interior ruso publicou un vídeo en que Trepova supostamente admite ser a autora do atentado, aínda que o máis probable é que esa declaración se obtivera baixo coacción. O Kremlin di que a detida é simpatizante da fundación que dirixe o líder opositor Alexey Navalny. O seu círculo négao e di que Daria é unha activista pacifista.