Unha muller falece ao bater contra un pozo no centro de Begonte

Unha muller perdeu a vida nun accidente ocorrido no núcleo urbano de Begonte. Ocorreu pasadas as once da noite, cando a vítima bateu contra a estrutura dun pozo.

Ata o lugar desprazáronse Bombeiros de Vilalba, persoal de Urxencias Sanitarias de Galicia-061 e axentes da Garda Civil. Porén, só puideron recuperar o corpo sen vida desta veciña, residente na estrada en dirección a Rábade.

O alcalde de Begonte, José Ulla, confirmaba esta mañá o "tráxico" accidente.

"Non sei se foi a consecuencia do golpe ou houbo algunha circunstancia máis. A autopsia desvelará as causas. En todo caso, é unha situación moi desgraciada".