Unha suba de tensión estraga varios electrodomésticos nun edificio de Santiago

Unha suba da tensión provocou un corte de luz nun edificio e deixou unha chea de electrodomésticos estragados nos tres andares.

Contra as once da noite a subministración eléctrica xa estaba restablecida. Toca agora facer contas coa compañía eléctrica para que lles amañen sobre todo, televisores, vitrocerámicas, termos e outros electrodomésticos que se queimaron coa suba de tensión. Ata o lugar, nunha praza do centro histórico compostelán, acudiron efectivos do parque de bombeiros pero non tiveron que intervir.

Nun restaurante da zona queimáronse todos os electrodomésticos e máis un ordenador. As perdas son grandes porque non poden traballar e non saben canto tempo teñen que permanecer pechados.