Vítimas da Maruxaina declaran por primeira vez no xulgado

Vítimas da Maruxaina declararán esta mañá por primeira vez no xulgado. Son máis de 80 mulleres que nas festas de San Cibrao, en Cervo, foron gravadas sen permiso mentres ouriñaban ao aire libre.

Os vídeos foron subidos sen autorización a webs pornográficas de pago. En novembro pasado, a Audiencia Provincial ordenou reabrir a investigación sobre as citadas imaxes despois de que o maxistrado do Xulgado de Instrución número 1 de Viveiro desestimase por dúas veces os recursos de reforma que presentaran as vítimas.