O gasto medio estimado nas ceas de empresa este Nadal é de 60 euros
O gasto medio estimado nas ceas de empresa este Nadal é de 60 euros
A fin de semana anterior á Noiteboa é a de máis reservas
O hábito de celebrar comidas ou ceas de Nadal entre compañeiros ou con amizades afiánzase.
"Case estamos completos de aquí ao 16 de xaneiro. O 31 quedan moi poucas prazas. Hai moito traballo", asegura Martín Pais, xerente e fundador do restaurante Orixe.
As reservas empezaron en outubro, para celebrar a partir da segunda quincena de novembro. Cun gasto medio estimado de 60 euros, a maior parte do sector hostaleiro agarda igualar ou mellorar os datos do ano pasado.
"O ano pasado, por exemplo, foron o 90 % os menús máis económicos e este ano, con todo, o 60 ou 70 % son os máis caros, tiran máis a marisco", explica.
Segue habendo problemas para atopar persoal.
"Creo que vai ser algo pasaxeiro ata que a hostalería se decate de que aos traballadores hai que telos contentos e darlles uns horarios dignos para que poidan ter vida familiar", considera.
Este mes de decembro, a facturación pode aumentar un 50 % respecto do mes de outubro.
