Sen rastro do mozo británico desaparecido en Tenerife logo dunha nova batida

Cando fai doce días da desaparición de Jay Slater, un turista británico de 19 anos, a Garda Civil organizou un dispositivo de busca minucioso toda a xornada do sábado. O punto de partida é Masca, unha zona famosa polos seus barrancos.

"Necesitamos ir descartando zonas e estar seguros de que as zonas quedan ben miradas. Vaise facer en base aos indicios que temos: a súa última posición, as conversacións que mantivo o último día".

O mozo chegou a Tenerife cuns amigos de vacacións. O último que se soubo é que ía a unha casa con dous homes aos que acababa de coñecer. Chamou a unha amiga para dicirlle que estaba perdido e logo o seu teléfono apagouse.

"Sabemos a ciencia certa que el estivo porque a cobertura do seu móbil o sitúa neste punto. Pero temos a dificultade de que, unha vez apagado o móbil, as antenas deixan de rexistralo. Mentres camiñe co teléfono apagado, ningunha antena o vai recoller".

Para este rastrexo, a Garda Civil solicitou a colaboración das asociacións de voluntarios de Protección Civil e bombeiros que coñezan ben a zona.

"Aquí estou, a ver se podemos dar con el. Por iso trouxen un dos mellores cans".

A pesar de contar coa axuda dun helicóptero, drons e cans especializados, ata agora a súa busca non deu resultado.