Desaloxado o Museo Guggenheim de Bilbao por unha falsa alarma
O museo estivo desaloxado dúas horas e medía tras atopar un obxecto sospeitoso
Ás 12:30 o museo reabriu as portas aos visitantes
Imaxe do museo Guggenheim de Bilbao este sábado, acordoado pola Ertzaintza. Foto: EFE/Ismael Herrero
A Ertzaintza mantivo desaloxado o Museo Guggenheim Bilbao durante unhas dúas horas e media tras atopar no seu interior un obxecto sospeitoso, que resultou ser unha falsa alarma.
Segundo informaron fontes do Departamento vasco de Seguridade este sábado, o museo desaloxouse preto das dez da mañá, pouco antes da súa apertura ao público, tras dar aviso o seu persoal á Ertzaintza do achado dun obxecto sospeitoso.
Os efectivos da Policía Autónoma Vasca trasladados ao lugar desaloxaron ao persoal do Museo para proceder á correspondente inspección e estableceron no lugar un cordón policial, que afectou ás rúas adxacentes e que se levantou cara ás 12:30 horas tras confirmarse que se tratou dunha falsa alarma.
A partir desa hora puideron acudir os visitantes ao Museo Guggenehim, un dos principais atractivos turísticos de Bilbao, que rexistra gran afluencia de turistas estas datas de Semana Santa. EFE
