Falece o sancristán de Carballo ao que lle caeu na cabeza a imaxe dun santo

O sancristán da igrexa de San Xoán de Carballo, ferido este sábado ao caerlle a imaxe dun santo na cabeza, faleceu nas últimas horas segundo fontes do Complexo Hospitalario Universitario da Coruña (CHUAC) onde fora ingresado.

O home, de 78 anos, sentírase indisposto e apoiárase na figura que, finalmente, lle caeu enriba e causoulle feridas graves. Un helicóptero das urxencias sanitarias trasladouno ao hospital coruñés, onde faleceu esta noite.