Identifican dez furtivos aos que lles requisan 50 quilos de marisco en Bergondo
Identifican dez furtivos aos que lles requisan 50 quilos de marisco en Bergondo
O valor no mercado dos diferentes tipos de marisco estaría en máis de 1.200 euros
O Seprona identifica dez furtivos nunha praia de Bergondo e aprehende cincuenta quilos de marisco valorado en máis de 1.200 euros.
A Garda Civil incautouse de cincuenta quilos de marisco extraído ilegalmente nunha praia do concello coruñés de Bergondo.
Axentes do Seprona devolveron ao mar o marisco aprehendido, principalmente longueirón, pero tamén ameixa e berberecho, procedentes do areal do Regueiro, na ría de Sada. Os axentes identificaron por estes feitos dez persoas, que carecían do permiso de extracción pertinente. O valor das especies comisadas supera os 1.250 euros, e as que non puideron levar de volta ao mar, foron doadas á asociación benéfica Padre Rubinos.
