Imputados tres mandos pola morte dos dous militares en Cerro Muriano (Córdoba)
Imputados tres mandos pola morte dos dous militares en Cerro Muriano (Córdoba)
Os militares morreron afogados durante unhas manobras o pasado 21 de decembro
Imaxe de arquivo da homenaxe aos militares falecidos
O Tribunal Togado Militar 21 de Sevilla, encargado de investigar a morte por afogamento dos dous militares que faleceron o pasado 21 de decembro nun encoro na base de Cerro Muriano (Córdoba), acorda a imputación do capitán encargado das manobras. Tamén de outros dous mandos.
O capitán foi retirado de inmediato das súas funcións polo Ministerio de Defensa tras o suceso.
Os imputados poderían incorrer nun delito contra a eficacia do servizo, que se produce cando o militar incumpre os seus deberes fundamentais causando "grave dano nos medios ou recursos das Forzas Armadas ou nas persoas, ou risco para o servizo ou para a seguridade dunha forza, unidade ou establecemento das Forzas Armadas".
Os soldados que perderon a vida, pertencían ao exército acuático. Son Carlos León, sevillano, e o cabo cordobés, Miguel Ángel Jiménez.
