Investigan a morte dunha persoa nunha embarcación no porto da Graña (Ferrol)
Investigan a morte dunha persoa nunha embarcación no porto da Graña (Ferrol)
Segundo unha testemuña, puido sufrir un accidente cando manipulaba unha vela
Un home faleceu na cuberta dunha embarcación de vela no porto da Graña, no concello de Ferrol. Segundo informa o 112, as forzas da orde traballan nestes momentos para esclarecer as circunstancias do suceso.
Un particular que se atopaba no lugar alertou o servizo de urxencias. Dixo que o implicado sufrira unha caída cando estaba a manipular unha vela do barco.
No operativo participou persoal sanitario do 061, Salvamento Marítimo, a Policía Nacional, a Garda Civil, a Policía Local e a Autoridade Portuaria de Ferrol-San Cibrao.
🔴#AXEGAInforma dunha persoa que foi atopada falecida nunha embarcación situada no porto da Graña, en #Ferrol.
— 112Galicia (@112Galicia) February 4, 2023
As forzas da orde traballan para aclarar as circunstancias do suceso. (1/2)
➕ℹ️👉 https://t.co/msvtCo3Rh9 pic.twitter.com/RS7OOA5a1K
