Falece o crego de San Pedro de Soñar (Lugo) ao esvarar polas escaleiras
Falece o crego de San Pedro de Soñar (Lugo) ao esvarar polas escaleiras
Un veciño topou o corpo sen vida do sacerdote diante da súa casa
Eran sobre as once da mañá cando un veciño da parroquia luguesa de San Pedro de Soñar daba a voz de alarma logo de atopar o crego morto diante da súa casa.
Ata o lugar desprazouse a Policía Nacional e tamén os servizos sanitarios, que só puideron certificar o seu falecemento.
Todo parece indicar que se tratou dun accidente doméstico que se produciu logo de que o sacerdote saíra da casa e esborrexera polas escaleiras que dan acceso á vivenda, un edificio que está situado apenas a uns metros da igrexa de San Pedro de Soñar.
Era unha das parroquias que atendía o crego, de 82 anos, un home moi coñecido na zona polo seu labor eclesiástico, xa que seguía participando activamente na igrexa.
Dáse a circunstancia de que o sacerdote xa non vivía na casa, malia que acudía a ela case a diario para encargarse do seu coidado e mantemento.
