Morre unha muller luguesa e o seu home mentres facían sendeirismo no Teide
Morre unha muller luguesa e o seu home mentres facían sendeirismo no Teide
Os investigadores descartan unha morte violenta e apuntan a un accidente
Os corpos están pendentes de que lles practiquen a autopsia
A zona rexistrara un empeoramento meteorolóxico o día anterior
Foi o venres pasado cando uns sendeiristas atoparon os corpos dun home e dunha muller na zona do Pico Vello, no parque natural do Teide, na illa canaria de Tenerife. Os cadáveres foron rescatados por un operativo de emerxencia.
Pouco despois, transcendían os primeiros datos sobre a identidade dos falecidos. Trataríase dunha muller de Lugo, de 59 anos, e o seu home de 67, natural de Huelva, cidade onde residían.
Os corpos permanecen no Instituto de Medicina Legal de Tenerife á espera de que lles practiquen a autopsia. As primeiras hipóteses descartan unha morte violenta e céntranse nunha causa accidental, como a hipotermia ou un desprendemento, xa que a zona rexistrou mal tempo nos últimos días.
