Resolto despois de catro anos o crime do lago de Sanabria

Catro anos despois do crime de Sanabria, as investigacións da Garda Civil e da Policía portuguesa permitiron deter tres persoas, dous homes e unha muller, imputados no asasinato dun home de 70 anos que aparecera no río Tera, en Zamora.

Os rexistros practicáronse nas localidades portuguesas de Chaves e Vidago, de onde eran os detidos. A vítima, tamén de nacionalidade portuguesa, residía en Verín cando desapareceu.

As investigacións centráronse desde entón no círculo de convivencia do falecido, que contaba con antecedentes por delitos violentos e contra a saúde pública.  Os tres imputados foron extraditados e trasladados á prisión da Lama, en Pontevedra.