Tres detidos por roubar 4.000 litros gasóleo en Frades e pillados na allada
Tres detidos por roubar 4.000 litros gasóleo en Frades e pillados na allada
Son traballadores da explotación gandeira onde foron gravados por cámaras de seguridade
As sospeitas dun dos propietarios desde había meses eran fundadas
Nas imaxes vese como dous dos detidos subtraen o combustible da explotación gandeira de Frades, como sospeitaba un dos propietarios desde había meses. Grazas a estas gravacións no depósito que fornece os vehículos agrícolas puideron collelos na allada.
Aproveitaban a ausencia do resto de traballadores a altas horas da madrugada e levaban cada xornada unha cantidade de gasóleo, o que fixo desconfiar a un dos responsables, que decidiu poñer unha denuncia.
Aí arrancou a investigación policial, que rematou cando dous traballadores se viron sorprendidos en flagrante a noite do 30 de maio nas instalacións da cooperativa enchendo 60 litros de gasóleo a un vehículo particular e tamén nunha garrafa.
A Garda Civil detivo tres traballadores como presuntos autores dun delito de roubo con forza continuado duns 4.000 litros de gasóleo xunto a diferentes ferramentas, e tamén investiga o fillo dun dos detidos.
Na inspección dos vehículos, os axentes acharon multitude de ferramentas que foron intervidas e posteriormente entregadas ao seu lexítimo propietario. As dilixencias quedan agora en mans do Xulgado de Instrución de garda de Ordes.
