Un mozo de 14 anos, ferido ao caerlle enriba un banco de pedra no Milladoiro
Un mozo de 14 anos, ferido ao caerlle enriba un banco de pedra no Milladoiro
O rapaz e un irmán estaban sentados no respaldo do banco
Foron necesarias 5 persoas para levantar o banco
O ferido foi trasladado a un centro hospitalario con traumatismos nunha perna
Un precinto da Policía Local de Ames impide sentar no banco de pedra da rúa Viorneira, que o martes, contra as dez e media da noite, caeu enriba dun mozo de 14 anos.
Alertados polos berros, varios veciños e clientes dun bar próximo achegáronse para tentar liberalo. Unha tarefa que precisou da forza de 5 persoas, polo peso do banco.
Segundo a información recollida pola Garda Civil, a caída do escano produciuse cando dous mozos, irmáns de 14 e 15 anos de idade, se encontraban sentados no respaldo do banco abaneando nel. Ao tentar evitar que caera, o menor deles quedou atrapado. Ata o lugar desprazáronse tamén unha dotación da Policía Local e unha ambulancia do 061, que trasladou o menor ao Complexo Hospitalario Universitario de Santiago, con traumatismos na perna dereita. Os veciños aseguran que se puido evitar se o banco estivese ancorado ao chan.
Pendentes de facer unha inspección ocular por parte dos técnicos, desde o Concello din que o propio peso dos bancos aseguran a súa ancoraxe e apuntan a un uso indebido como causa do suceso.
