Ferido grave un rapaz que caeu dun tellado en Dumbría cando tentaba coller unha pelota

Un neno duns 15 anos quedou ferido de gravidade ao caer na tarde deste domingo desde un tellado en Dumbría cando tentaba recoller unha pelota.

Segundo fontes consultadas por Europa Press, o suceso tivo lugar minutos antes das 18:00 horas na parroquia de Olveira.

O menor, que estaba xogando coa pelota, precipitouse dunha altura duns tres metros e golpeou a cabeza. Ao lugar acudiu unha ambulancia, con persoal sanitario do PAC de Cee, e o helicóptero do 061, que o trasladou a un centro hospitalario.