Unha usuaria do Servizo de Axuda no Fogar ataca unha coidadora en Dodro

Unha coidadora do Servizo de Axuda ao Fogar foi atacada esta mañá cunha arma branca por unha usuaria no concello de Dodro. O suceso aconteceu sobre as 9 no lugar de Tallós, na parroquia de Laíño.

A agresora foi detida pola Garda Civil no lugar de Reboiras, preto da vivenda onde sucederon os feitos este luns, e trasladada a un centro hospitalario. Está a tratamento psiquiátrico, polo que se sospeita que puido sufrir unha crise.

A traballadora foi trasladada a un centro hospitalario, e aínda que nun primeiro momento algúns cortes na zona da cabeza semellaban moito máis graves, finalmente as feridas son leves.