Detido por unha agresión sexual no Camiño de Santiago
Detido por unha agresión sexual no Camiño de Santiago
O arresto produciuse na Rioxa, despois de que o presunto agresor lle ofrecera a súa casa para descansar a unha peregrina
A vítima é unha muller de nacionalidade alemá de 24 anos
A Garda Civil detivo un home por agredir sexualmente e reter unha peregrina no Camiño de Santiago. Ao acabar a etapa e non atopar sitio para pasar a noite no albergue, o agresor ofreceulle a súa casa para descansar. Unha vez na vivenda, retívoa contra a súa vontade e agrediuna sexualmente.
O amplo dispositivo despregado na localidade de Nájera, na Rioxa, permitiulles aos axentes arrestar o presunto autor apenas unhas horas despois dos feitos. A vítima, de 24 anos e de orixe alemá, atopábase realizando a ruta xacobea a pé.
O detido, xunto coas dilixencias instruídas, foi posto a disposición da autoridade xudicial, que decretou a súa liberdade con cargos, sendo advertido da obriga legal de comparecer en sede xudicial cando sexa citado para iso.
